ໂດຍ ອ. ແສງຟ້າ ໂຫລານຸພາບ
ອ້າຍສີພະນັກງານສຶກສາຜູ້ຮັກພາສາລາວເປັນຊີວິດຈິດໃຈ ໄດ້ເລົ່າເລື່ອງທີ່ລາວໄດ້ວັດຈະນານຸກົມເຫຼັ້ມໃໝ່ເມື່ອ 6 ປີກ່ອນ ດັ່ງລາຍລະອຽດຕໍ່ໄປນີ້:
ຫຼັງຈາກພິມບົດລາຍງານປະຈໍາອາທິດສົ່ງໃຫ້ຫົວໜ້າແລ້ວໆ ກໍຍົກໂມງຢູ່ຄໍ່ແຂນຂຶ້ນເບິ່ງ. ໂອ້! ຄືມາຮອດສີ່ໂມງເຄິ່ງໄວແທ້! ຟ້າວມ້ຽນເອກະສານຕ່າງໆທີ່ຊະຢູ່ໜ້າໂຕະເຂົ້າໃນແຟ້ມ ແລ້ວຍັດເຂົ້າຕູ້ຂ້າງຝາຢ່າງເປັນລະບຽບດັ່ງເກົ່າ. ຈັບເອົາປຶ້ມສອງຫົວ ແລະຮ່າງບົດປາໄສຂອງຫົວໜ້າທີ່ຍັງເຮັດບໍ່ແລ້ວຍັດໃສ່ກະເປົາພາຍພ້ອມດ້ວຍຄອມພິວເຕີມືຖື ຫິ້ວຍ່າງອອກຈາກຫ້ອງເຮັດວຽກ. ບໍ່ລືມທີ່ຈະສົ່ງກະແຈໃຫ້ນາງເລຂາທີ່ຢູ່ຫ້ອງຖັດໄປ. ພໍແຕ່ຍື່ນກະແຈໃຫ້ ສາວເລຂາຕາຄົມຂໍາກໍຈັບເອົາປຶ້ມຫົວໃຫຍ່ທັງໜານໍາອີກມາໃຫ້ເບິ່ງ ພ້ອມທັງເອື້ອນເອີ່ຍສຽງໃສໆອອກມາວ່າ:
“ບໍ່ຢາກເປັນເຈົ້າຂອງວັດຈະນານຸກົມຫົວໃໝ່ແດ່ຫວາ, ອ້າຍສີ?”
ພຽງແຕ່ເຫັນຮູບຮ່າງໜ້າປົກປຶ້ມແລ້ວ ຫົວໃຈກໍຮູ້ສຶກເຕັ້ນຕຶກໆ ຟ້າວເອື້ອມມືໄປຈັບຂຶ້ນມາເຍີງເບິ່ງ. ໂອ້! ວັດຈະນານຸກົມພາສາລາວ (ສະບັບປັບປຸງໃໝ່) ຄົ້ນຄວ້າແລະຮຽບຮຽງໂດຍ ດຣ. ທອງຄໍາ ອ່ອນມະນີສອນ ຈັດພິມໂດຍ ຫໍສະໝຸດແຫ່ງຊາດ ປີ 2008.
ເປີດໄປອ່ານຄໍານໍາພິມຄັ້ງທີສອງ (ສະບັບປັບປຸງໃໝ່) ແບບໄວວາ ຈຶ່ງຮູ້ວ່າຜູ້ຮຽບຮຽງໄດ້ເຮັດ 4 ໜ້າວຽກໃຫຍ່ໃນການປັບປຸງວັດຈະນານຸກົມເຫຼັ້ມນີ້:
1) ອ່ານທົບທວນ ກວດກາພິຈາລະນາຄືນທຸກຄໍາສັບ ເພື່ອໃຫ້ຮູ້ແຈ້ງເຫັນຄັກ ຄໍາຜິດຄໍາຖືກຢ່າງຊັດເຈນ.
2) ຈັດສັນຮຽງລໍາດັບສັບຄືນໃໝ່ໃນບາງບ່ອນ ບາງຕອນ ທີ່ເຫັນວ່າບໍ່ຖືກຕ້ອງຕາມຫຼັກການຮຽງຄໍາທີ່ໄດ້ວາງໄວ້.
3) ໃຊ້ຕົວ “ຣ” ຂຽນຄໍາສັບທີ່ຢືມມາຈາກພາສາຕ່າງປະເທດ ໂດຍສະເພາະຄໍາທີ່ອອກສຽງ “ຣ” (ຫັນລິ້ນ) ຕົວຢ່າງ: ປາຣີ, ຮົງກາຣີ, ມະກະໂຣນີ, ເອັກຊະເຣ, ເຢຊູຄຣິດ ເປັນຕົ້ນ; ໂດຍອີງໃສ່ຫຼັກການໃຊ້ຕົວ “ຣ” ຂອງກະຊວງສຶກສາທິການໃນປັດຈຸບັນ.
4) ເພີ່ມຕື່ມຄໍາສັບໃໝ່ເຂົ້າໃສ່ຈໍານວນ 500 ຄໍາ ເຊິ່ງຈະສ້າງໃຫ້ວັດຈະນານຸກົມນີ້ບັນຈຸຄໍາສັບໄດ້ປະມານ 22.000 ຄໍາ.
ພໍອ່ານສຸດຮອດນີ້ ຮິມສົບກໍເໜັງຕີງ ລີ້ນກໍສັ່ນ ລົມປາກກໍພຸ່ງອອກມາຕາມຄໍາສັ່ງຂອງຈິດໃຈທີ່ຢາກໄດ້ເປັນເຈົ້າຂອງ:
“ລາຄາເທົ່າໃດ?”
“ສອງແສນຫ້າສິບພັນ” ສາວເລຂາຕອບ
ຂົນໝາກໜາວແຕກ ແຕ່ຍ້ອນຄວາມຢາກໄດ້ຫຼາຍກວ່າ ຈຶ່ງກ່າວອອກໄປຢ່າງບໍ່ກະດຽມປາກວ່າ:
“ຂໍຕິດກ່ອນໄດ້ບໍ? ບາດເງິນເດືອນອອກຈຶ່ງຊິຈ່າຍ.”
“ໄດ້ຢູ່ແລ້ວ ສໍາລັບອ້າຍສີ.” ທັງເວົ້າທັງຍິ້ມແບບກັນເອງ.
ຄືນມື້ນັ້ນ ຫຼັງຈາກກິນເຂົ້າແລງແລ້ວ ວ່າຊິເຮັດຮ່າງບົດປາໄສໃຫ້ສໍາເລັດ ແຕ່ຕ້ອງມານັ່ງເປີດປຶ້ມວັດຈະນານຸກົມຫົວໃໝ່ຊອກຫາຄໍາສັບໃໝ່ ທີ່ຜູ້ຮຽບຮຽງເວົ້າວ່າໄດ້ຕື່ມໃສ່ໃໝ່ຕັ້ງ 500 ຄໍາ… ຊົ່ວຊິຊອກເຫັນໝົດກໍຈົນວ່າເດິກຍ້ອນ ຈຶ່ງອັດປຶ້ມມ້ຽນ ໂດຍທີ່ສາຍຕາທີ່ອິດເມື່ອຍນໍາຄໍາສັບຕ່າງໆໃນປຶ້ມມາແລ້ວນັ້ນ ແນມກວດໄປທົ່ວໜ້າປົກທີ່ອອກແບບໄດ້ຢ່າງຈົບງາມ. ແຕ່ກໍມີສິ່ງສະດຸດຕາຢູ່ບ່ອນຄໍາວ່າ “ຄົ້ນຄວ້າ” ທີ່ພິມຢູ່ເທິງຊື່ຂອງຜູ້ຮຽບຮຽງນັ້ນ ວາງໄມ້ໂທຜິດບ່ອນເປັນ “ຄົ້ນຄ້ວາ” ຫາກພິມເປັນ ”ຄົ້ນຄວ້າ” ໂດຍທີ່ໄມ້ໂທຢູ່ເທິງໂຕຄວບ “ວ” ຄືນມື້ນັ້ນ ກໍຄົງນອນຫຼັບຝັນດີກວ່ານັ້ນອີກ…
ຫຼັງຈາກພິມບົດລາຍງານປະຈໍາອາທິດສົ່ງໃຫ້ຫົວໜ້າແລ້ວໆ ກໍຍົກໂມງຢູ່ຄໍ່ແຂນຂຶ້ນເບິ່ງ. ໂອ້! ຄືມາຮອດສີ່ໂມງເຄິ່ງໄວແທ້! ຟ້າວມ້ຽນເອກະສານຕ່າງໆທີ່ຊະຢູ່ໜ້າໂຕະເຂົ້າໃນແຟ້ມ ແລ້ວຍັດເຂົ້າຕູ້ຂ້າງຝາຢ່າງເປັນລະບຽບດັ່ງເກົ່າ. ຈັບເອົາປຶ້ມສອງຫົວ ແລະຮ່າງບົດປາໄສຂອງຫົວໜ້າທີ່ຍັງເຮັດບໍ່ແລ້ວຍັດໃສ່ກະເປົາພາຍພ້ອມດ້ວຍຄອມພິວເຕີມືຖື ຫິ້ວຍ່າງອອກຈາກຫ້ອງເຮັດວຽກ. ບໍ່ລືມທີ່ຈະສົ່ງກະແຈໃຫ້ນາງເລຂາທີ່ຢູ່ຫ້ອງຖັດໄປ. ພໍແຕ່ຍື່ນກະແຈໃຫ້ ສາວເລຂາຕາຄົມຂໍາກໍຈັບເອົາປຶ້ມຫົວໃຫຍ່ທັງໜານໍາອີກມາໃຫ້ເບິ່ງ ພ້ອມທັງເອື້ອນເອີ່ຍສຽງໃສໆອອກມາວ່າ:
“ບໍ່ຢາກເປັນເຈົ້າຂອງວັດຈະນານຸກົມຫົວໃໝ່ແດ່ຫວາ, ອ້າຍສີ?”
ພຽງແຕ່ເຫັນຮູບຮ່າງໜ້າປົກປຶ້ມແລ້ວ ຫົວໃຈກໍຮູ້ສຶກເຕັ້ນຕຶກໆ ຟ້າວເອື້ອມມືໄປຈັບຂຶ້ນມາເຍີງເບິ່ງ. ໂອ້! ວັດຈະນານຸກົມພາສາລາວ (ສະບັບປັບປຸງໃໝ່) ຄົ້ນຄວ້າແລະຮຽບຮຽງໂດຍ ດຣ. ທອງຄໍາ ອ່ອນມະນີສອນ ຈັດພິມໂດຍ ຫໍສະໝຸດແຫ່ງຊາດ ປີ 2008.
ເປີດໄປອ່ານຄໍານໍາພິມຄັ້ງທີສອງ (ສະບັບປັບປຸງໃໝ່) ແບບໄວວາ ຈຶ່ງຮູ້ວ່າຜູ້ຮຽບຮຽງໄດ້ເຮັດ 4 ໜ້າວຽກໃຫຍ່ໃນການປັບປຸງວັດຈະນານຸກົມເຫຼັ້ມນີ້:
1) ອ່ານທົບທວນ ກວດກາພິຈາລະນາຄືນທຸກຄໍາສັບ ເພື່ອໃຫ້ຮູ້ແຈ້ງເຫັນຄັກ ຄໍາຜິດຄໍາຖືກຢ່າງຊັດເຈນ.
2) ຈັດສັນຮຽງລໍາດັບສັບຄືນໃໝ່ໃນບາງບ່ອນ ບາງຕອນ ທີ່ເຫັນວ່າບໍ່ຖືກຕ້ອງຕາມຫຼັກການຮຽງຄໍາທີ່ໄດ້ວາງໄວ້.
3) ໃຊ້ຕົວ “ຣ” ຂຽນຄໍາສັບທີ່ຢືມມາຈາກພາສາຕ່າງປະເທດ ໂດຍສະເພາະຄໍາທີ່ອອກສຽງ “ຣ” (ຫັນລິ້ນ) ຕົວຢ່າງ: ປາຣີ, ຮົງກາຣີ, ມະກະໂຣນີ, ເອັກຊະເຣ, ເຢຊູຄຣິດ ເປັນຕົ້ນ; ໂດຍອີງໃສ່ຫຼັກການໃຊ້ຕົວ “ຣ” ຂອງກະຊວງສຶກສາທິການໃນປັດຈຸບັນ.
4) ເພີ່ມຕື່ມຄໍາສັບໃໝ່ເຂົ້າໃສ່ຈໍານວນ 500 ຄໍາ ເຊິ່ງຈະສ້າງໃຫ້ວັດຈະນານຸກົມນີ້ບັນຈຸຄໍາສັບໄດ້ປະມານ 22.000 ຄໍາ.
ພໍອ່ານສຸດຮອດນີ້ ຮິມສົບກໍເໜັງຕີງ ລີ້ນກໍສັ່ນ ລົມປາກກໍພຸ່ງອອກມາຕາມຄໍາສັ່ງຂອງຈິດໃຈທີ່ຢາກໄດ້ເປັນເຈົ້າຂອງ:
“ລາຄາເທົ່າໃດ?”
“ສອງແສນຫ້າສິບພັນ” ສາວເລຂາຕອບ
ຂົນໝາກໜາວແຕກ ແຕ່ຍ້ອນຄວາມຢາກໄດ້ຫຼາຍກວ່າ ຈຶ່ງກ່າວອອກໄປຢ່າງບໍ່ກະດຽມປາກວ່າ:
“ຂໍຕິດກ່ອນໄດ້ບໍ? ບາດເງິນເດືອນອອກຈຶ່ງຊິຈ່າຍ.”
“ໄດ້ຢູ່ແລ້ວ ສໍາລັບອ້າຍສີ.” ທັງເວົ້າທັງຍິ້ມແບບກັນເອງ.
ຄືນມື້ນັ້ນ ຫຼັງຈາກກິນເຂົ້າແລງແລ້ວ ວ່າຊິເຮັດຮ່າງບົດປາໄສໃຫ້ສໍາເລັດ ແຕ່ຕ້ອງມານັ່ງເປີດປຶ້ມວັດຈະນານຸກົມຫົວໃໝ່ຊອກຫາຄໍາສັບໃໝ່ ທີ່ຜູ້ຮຽບຮຽງເວົ້າວ່າໄດ້ຕື່ມໃສ່ໃໝ່ຕັ້ງ 500 ຄໍາ… ຊົ່ວຊິຊອກເຫັນໝົດກໍຈົນວ່າເດິກຍ້ອນ ຈຶ່ງອັດປຶ້ມມ້ຽນ ໂດຍທີ່ສາຍຕາທີ່ອິດເມື່ອຍນໍາຄໍາສັບຕ່າງໆໃນປຶ້ມມາແລ້ວນັ້ນ ແນມກວດໄປທົ່ວໜ້າປົກທີ່ອອກແບບໄດ້ຢ່າງຈົບງາມ. ແຕ່ກໍມີສິ່ງສະດຸດຕາຢູ່ບ່ອນຄໍາວ່າ “ຄົ້ນຄວ້າ” ທີ່ພິມຢູ່ເທິງຊື່ຂອງຜູ້ຮຽບຮຽງນັ້ນ ວາງໄມ້ໂທຜິດບ່ອນເປັນ “ຄົ້ນຄ້ວາ” ຫາກພິມເປັນ ”ຄົ້ນຄວ້າ” ໂດຍທີ່ໄມ້ໂທຢູ່ເທິງໂຕຄວບ “ວ” ຄືນມື້ນັ້ນ ກໍຄົງນອນຫຼັບຝັນດີກວ່ານັ້ນອີກ…
https://www.facebook.com/notes/sengfa-
No comments:
Post a Comment